ماذا يعني ال Api

تخيل معايا كده إنك دخلت مطعم وقعدت على الترابيزة، واخترت الأكل اللي هتطلبه، وهنا فيه حلّين:

يا إما تدخل المطبخ للشيف وتقوله على الحاجة اللي أنت عايزها وتجيب طلبك وتيجي، وده حل صعب.  

أو الحل التاني إن الجرسون يجيلك، وياخد منك الطلب بتاعك بدقة، وبعدين يروح هو للشيف، ويرجع باللي أنت طلبته، بس المرة دي بسرعة، لأنه عارف الطريقة كويس، وكمان عارف إزاي يروح يجيب الطلب بتاعك ويرجع بسرعة.

في عالم الويب، الـ API هو الجرسون اللي بياخد الطلب منك كمستخدم لواجهة التطبيق، ويروح بيه للباك إند، ويقوله: أنا عايز البيانات الفلانية، أو عايز أعدل أو أحذف كذا

طيب هؤ api ده بيرمز لايه اؤ اختصار اي

 أو واجهة برمجة التطبيقات  Application Programming Interface    

المعنى ببساطة: هو وسيلة أو طريقة بقدر من خلالها أربط واجهة المستخدم سواء كان موقع ويب أو تطبيق موبايل، بالباك إند وقواعد البيانات… زي مثال الجرسون كده.

ؤفيه اكثر من نؤع لل Api

  REST API

وده أشهر نوع، بيعتمد على HTTP، والبيانات بتكون على هيئة JSON، وبيكون كل أكشن ليه ميثود معينة:  

يعني لو هجيب بيانات بستخدم GET،  

لو هضيف بستخدم POST،  

لو تعديل بستخدم PUT،  

والحذف معاه DELETE.

 GraphQL API

وده شركة فيسبوك هي اللي طورته.  

الميزة اللي فيه إنه بيخلّي العميل (Client) يطلب *بالضبط* البيانات اللي هو محتاجها، وكمان بيكون أسرع وبيقلل عدد الريكويستات.

---

 SOAP – Simple Object Access Protocol

وده نوع قديم، بيعتمد على XML بدل JSON، وبيستخدم بروتوكول HTTP.  

وبيكون آمن، علشان كده بيُستخدم بكثرة في الأنظمة البنكية، وكمان بيدعم معاملات معقدة (Transactions).  

لكنه غير منتشر حاليًا بسبب إنه معقّد وتقيل في الاستخدام.

 gRPC

تم تطويره من خلال شركة جوجل.  

ويُعتبر أسرع من كل اللي فات، والبيانات بتكون على شكل JSON، وبيعتمد على بروتوكول HTTP/2.  

مشكلته إنه صعب التعلّم، وكمان مش مدعوم من كل لغات البرمجة.

 دلوقتي بعد ما عرفنا يعني إيه API وأنواعه، لازم نتكلم عن نقطة في غاية الأهمية: مينفعش الـ API بتاعك يكون متاح لأي حد يستخدمه كده وخلاص

تخيل إن الـ API زي باب بيتك

لو سبت الباب مفتوح، أي حد ممكن يدخل، يسرق بيانات، يخرب، أو حتى يتحكم في نظامك!

علشان كده، لازم تأمّن الـ API كويس جدًا، وتمنع أي محاولة.